Наманган туманида фуқародан «Cobalt» машинасини олиб, келишилган пулни бермай кетганлар ушланди. Бу ҳақда «Postda» хабар берди.

Маълум қилинишича, Давлатобод туман ички ишлар бўлимига ариза келиб тушган. Унга кўра, ариза муаллифи Наманган туманида яшовчи икки нафар фуқарога «Cobalt» автомашинасини 10 000 долларга сотишга келишган. Фуқаро улар 2 ой ичида тўловни бериш шарти билан автомашинани олиб кетиб, бугунга қадар пулни бермаётганини маълум қилган.

Қайд этилишича, ИИБ ходимлари томонидан олиб борилган тезкор саъй-ҳаракатлар натижасида қонунбузарлар қўлга олиниб, тергов ишлари олиб борилмоқда.

Аввалроқ Наманганда машинани олиб кетиб, пулини тўламаган фуқарога жиноят иши очилгани ва машинани олиб кетиб, пулини тўламаган фуқаро ушлангани хабар қилинган.