Veolia Energy Tashkent бош директори Александр Хасти оилавий сабабларга эгаллаб турган лавозимини тарк этди. Унинг ўрнига Алишер Хайтметов корхона бошлиғи вазифасини бажарувчи бўлди.

Veolia Energy Tashkent бош директори Александр Хасти оилавий сабабларга кўра ўз лавозим ваколатларини тарк этди. Бу ҳақда шанба куни компания матбуот хизмати маълум қилди.

Янги раҳбар тасдиқлангунига қадар компания кузатув кенгаши Алишер Хайтметовни бош директор вазифасини бажарувчи этиб тайинлади. У ҳозиргача компания молиявий директори лавозимида ишлаб келмоқда.

Франциянинг Veolia компанияси 1 июль куни Тошкентнинг иссиқлик таъминоти тизими бошқарувини 30 йилга муддатга қабул қилиб олган эди. Александр Хасти белгиланган ваколатларни «Тошиссиққуввати» ДУКдан Veolia Energy Tashkent’га ўтказиш жараёнига раҳбарлик қилди, шунингдек, у иситиш мавсумига тайёргарлик кўриш ва бошланишини ҳам назорат қилган.