«Наманганда спортнинг ҳар бир тури жадал ривожланмоқда. Бундай масканларнинг бунёд этилишида маҳалла, шу ҳудуд учун катта аҳамиятга эга. Спорт билан шуғулланган инсон ҳар томонлама баркамол бўлади», – Наманган вилояти ҳокими Шавкатжон Абдураззоқов Astral спорт-соғломлаштириш мажмуаси очилиш маросимида иштирок этди.

Давлатобод тумани Нуробод даҳаси, Қўқўмбой шохкўчаси барпо этилган ушбу мажмуанинг очилиши билан 15 киши ишли бўлди.

– Қурилиш ва жиҳозлаш ишларига қарийб 6 млрд сўм маблағ сарфладик. Ташрифчилар, клубнинг бўлажак аъзолари учун барча шароитларни муҳайё этганмиз. Мажмуа бир вақтнинг ўзида 170 шуғулланувчини қабул қила олади, – дейди мажмуа раҳбари Улуғбек Алиев.

Ушбу маскан Наманган ёшлари учун Наврўз айёмидаги ажойиб совға бўлди.