Ikramov Zafar Shavkatovich Namangan viloyati Bandlik bosh boshqarmasi boshligʻi lavozimiga tayinlandi.

Zafar Shavkatovich 1976 yilda Namangan shahrida tugʻilgan. 1998 yilda Namangan muhandislik-pedagogika institutini tamomlagan.

Zafar Ikramov mehnat faoliyatini 1998 yilda Oʻzbekiston Respublikasi DT Xalqbank Namangan viloyati boshqarmasi mutaxassisligidan boshlagan.

2000-2007 yillarda Ipak yoʻli bankida mutaxassislikdan markaz boshligʻigacha boʻlgan vazifalarda ishlagan. 2008-2021 yillarda Davlat mulki qoʻmitasi Namangan viloyati hududiy boshqarmasi umumiy boʻlim boshligʻi-ishlar boshqaruvchisi vazifasidan Oʻzbekiston Respublikasi Davlat aktivlarini boshqarish agentligi Namangan viloyati hududiy boshqarmasi boshligʻi lavozimigacha boʻlgan mehnat yoʻlini bosib oʻtgan.

Ikramov Zafar Shavkatovich tayinlovga qadar Namangan viloyati hokimligining moliya-iqtisodiyot va kambagʻallikni qisqartirish masalalari kotibiyati mudiri vazifasida ishlab kelayotgan edi.