Чортоқ тумани “Обод диёр” маҳалласи ҳудудидаги Баланд адир массивида “Golden nuts Namangan” МЧЖ иштирокида ташкил этилган иссиқхоналар комплексининг сўлим ва баҳаво очиқ айвонида “2021 йил “Ёшларни қўллаб-қувватлаш ва аҳоли саломатлигини мустаҳкамлаш йили” муносабати билан ёшларга яратилаётган имкониятлар” мавзусида Чортоқ туманида амалга оширилган ишлар юзасидан матбуот анжумани бўлиб ўтмоқда. Чортоқ тумани ҳокимлигининг ахборот хизмати ҳамда Ўзбекистон Ёшлар ишлари агентлиги туман бўлими томонидан ташкил этилган матбуот анжуманида туман ҳокими Анваржон Отаходжаев оммавий ахборот воситалари ходимлари, журналист ва блогерларга мавзу юзасидан ахборот бермоқда.