Наманган вилояти пиллакорлари 2023 йилги пилла тайёрлаш бўйича шартномавий режани бажардилар.

Баҳорги пилла етиштириш мавсумини юксак уюшқоқлик ва интизом билан ташкил қилинган меҳнатлар натижасида қабул масканларига 2 161 тоннадан зиёд сифатли пилла хомашёси етказилди.

Вилоятда жами 37 174 қути ипак қурти парваришланиб, ҳар қутидан ўртача 58,5 килограммдан, жами 2161,4 тонна пилла ҳосили етиштирилди ва шартномавий режа 100,25 % га уддаланди.

Поп, Тўрақўрғон, Норин, Наманган, Учқўрғон ва Мингбулоқ туманлари пилла етиштириш бўйича шартнома режасини вилоятда биринчилардан бўлиб бажардилар.

Вилоятимиз пиллакорлари  бор куч ва ғайратлари, билим ва тажрибаларини ишга солиб, қолган пилла ҳосилини тўлиқ қабул масканларга териб топширадилар.