Аҳолини сифатли озиқ-овқат, айниқса гўшт маҳсулотлари билан таъминлашда паррандачиликни алоҳида ўрни бор. Шу боис юртимизда бу соҳа қўллаб-қувватланади.

Косонсой туманидаги Қуқумбой ММТП ҳудудида паррандачиликка ихтисослашган «Косонсой туҳфаси агро экспорт» МЧЖ томонидан янги лойиҳага қўл урилди.

Лойиҳа ташаббускорлари томонидан гидропоника усулида иссиқхона қурилиши ҳамда Германия технологияси асосида наслчилик паррандачиликни ташкил этиш кўзда тутилган.

Қиймати 5 млн. АҚШ долларини ташкил этадиган мазкур лойиҳа ишга тушса 100 нафар фуқарони  иш билан таъминланади.

Айни кунгача тухум етиштириш билан шуғулланган корхонада Ломан браун товуқлари парваришланиб, кунига етмиш мингдан ортиқ тухум олинмоқда.

Умумий ер майдони 5 гектардан иборат янги лойиҳага асосан эса йилига 600 тонна сабзавот маҳсулотлари ҳамда 300 минг парранда боқиш мақсад қилинмоқда.

Вилоят ҳокими Шавкатжон Абдуразаков ушбу корхонанинг янги лойиҳаси билан танишиб, таклиф ва тавсияларини берди.