Shahar hokimiga sovg‘a qilingan Mercedes Google’da trendga chiqdi
▪️Ziyoda Latipova ismli ayol narxi taxminan $250 mingli Mercedes-Benz S500 Hybrid avtomobilini Jahongir Ortiqxo‘jayevga sovg‘a qilgandi. Hokimlik hadyani 30-noyabrda qabul qildi. Shundan keyin Google’ning O‘zbekiston segmentida Ziyoda Latipova va mashina haqida so‘rovlar ortgan.
Daryo Google’dan qidirilgan «Mercedes», «Mercedes-Benz S500 Hybrid», «Latipova Ziyoda» va «Латипова Зиёда» so‘rovlarini taqqosladi. Unga ko‘ra, 30-noyabr 20:00–22:00da 4 kalit so‘z ichida «Mercedes» so‘zi 100, «Latipova Ziyoda» so‘rovi 80 ballik qidiruv ko‘rsatkichiga chiqqan.
