Тўрақўрғон туманининг «Ровот» сув олиш иншоотига қарашли “ПТФ-3”да жойлашган сув олиш қудуғи яроқли бўлишига қарамай тик қудуқдаги насос куйганлиги сабабли узоқ йиллардан бери ишлатилмас эди.

«Наманган сув таъминоти» МЧЖнинг Тўрақўрғон тумани бўлими томонидан тик қудуқ компрессланиб тозаланди ҳамда электр ҳисоблагич ўрнатилиб янги насос ишга туширилди. Анча йиллардан буён ишламай келганлиги ҳисобига қудуқдан сув ҳозирча лойқа чиқмоқда. 72 соатлик синов оқизишидан сўнг сув тинади ва тармоққа қўшилади.

Натижада тумандаги жамиятнинг тармоқларига янги қўшилган «Бахт», «Чусткўприк» , «Тошкент» МФЙлардаги жами 1 940 хонадоннинг ичимлик сувига бўлган эҳтиёжи қондирилади.