Президент Шавкат Мирзиёевнинг Наманганда сайловолди учрашувида вилоят йўл инфратузилмасини жаҳон стандартларига мослаш, бу орқали туризмни ривожлантириш бўйича таъкидлаган режалари амалий ижрога йўналмоқда.

Наманган вилояти ҳокими Шавкатжон Абдуразаков Хитойнинг автомобиль йўллари, темир йўл ва кўприк қурилиш ишлари билан шуғулланувчи йирик China Railway Group Limited компанияси вакилларини қабул қилди.

Учрашувда хорижлик қурувчиларнинг Поп-Наманган автомобиль йўлининг 75 километр қисми халқаро стандартлар асосида 4 тасмали цемент-бетон қопламали йўлга айлантириш бўйича таклифлари атрофлича муҳокама этилди.

4P-112 автомобиль йўлининг 0-75 км қисмини қуриш лойиҳаси ижроси натижасида тирбандликлар ва келгусида юзага келиши мумкин бўлган йўл-транспорт ҳодисаларини олдини олиш, 300 дан зиёд маҳаллаларда яшовчи 1 миллиондан ошиқ аҳоли ва 350 дан зиёд тадбиркорлик субъектларига янада қулайлик яратилишига эришилади.