Наманган шаҳридаги “Баркамол авлод” кичик саноат зонасида халқ истеъмоли моллари турларининг бир неча хиллари ишлаб чиқарилади.

Шу билан бирга кичик саноат зонасида кўплаб ишчи ўринлари яратилган. Уста – шогирд анъаналари мунтазам йўлга қўйилган.

Шаҳар ҳокими Ғофиржон Джамалов мазкур кичик саноат зонасида бўлиб, бу ердаги иш жараёнлари, яратилган шароитлар бўйича тадбиркорлар билан очиқ мулоқот ўтказди.

Шунингдек, табиркорларнинг фаолияти узлуксизлигини таъминлаш мақсадида электр, табиий газ таъминоти яхшилаш, қуёш панеллари ўрнатиш жараёнларидаги масъул соҳа раҳбарларига топшириқлар берилди.

Ғофиржон Джамалов кичик саноат зонасидаги “Ҳожи Маматхон” МЧЖ томонидан киритилаётган янги лойиҳа бўйича қилинаётган иш жараёнлари билан ҳам танишди. Лойиҳа асосида  бу ерда турли хилдаги бинолар ва хонадонларни безовчи “люстра” – замонавий рангли чироқлар ишлаб чиқариш йўлга қўйилади.